Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Татмедиа» генераль директоры Кырымның мәгълүмати ведомствосына картина бүләк итте
Кырымга Татарстан делегациясе — республиканың әйдәп баручы матбугат чаралары җитәкчеләре, шулай ук бөтен төрки дөньяга танылган шагыйрьләр һәм язучылар килде.
(Казан, 22 сентябрь, «Татар-информ», Эльза Кузнецова). «Татмедиа» акционерлык җәмгыяте генераль директоры Шамил Садыйков Кырым Республикасының эчке сәясәт, мәгълүмат һәм элемтә министры Михаил Афанасьевка картина бүләк итте. Бүләкне «Татмедиа» җәмгыяте һәм Кырым Республикасының Эчке сәясәт, мәгълүмат һәм элемтә министрлыгы арасында меморандум имзалаганнан соң тапшырдылар.
«Татарстан — төрле дин вәкилләре дус-тату яши торган төбәк. Картинада Казан Кремле сурәтләнгән — ул безнең төрле конфессияләр арасындагы дуслыкның символы», — дип сөйләде Шамил Садыйков бүләкне тапшырганда.
Михаил Афанасьев сурәтне карап, әлеге урынның да, картинаның да матур булуын әйтте.
Кырымга Татарстан делегациясе — республиканың әйдәп баручы матбугат чаралары җитәкчеләре, шулай ук бөтен төрки дөньяга танылган шагыйрьләр һәм язучылар килде. Җирле иҗат интеллигенциясе белән берничә очрашу планлаштырылган.
«Бу игелек миссиясе, бер-береңә ихтирам. Без бик күп китаплар, хис-кичерешләр һәм яхшы кәеф алып килдек. Сезнең министрлык җитәкчелеген һәм журналистларны үзебездә көтеп калабыз», — диде Шамил Садыйков.
Алдарак «Татар-информ» Кырым һәм Татарстанның медиахезмәттәшлек турында меморандум имзалавын язган иде.
Кызыклы яңалыкларны күзәтеп бару өчен Телеграм-каналга язылыгыз