Татарстанда «Хәйрия пылавы» акциясе узачак

Акциядә катнашучылар мохтаҗларга ярдәм итә алачак.

(Казан, 22 сентябрь, «Татар-информ»). 24 сентябрьдә Казанда «Әкият» курчак театры каршындагы мәйданда «Хәйрия пылавы» акциясе узачак.

Акция 11:00 сәгатьтән 13:00 сәгатькә кадәр булачак, дип хәбәр итә «Игелекле Казан оешмасы.

Шәһәр халкына пылау порциясен теләсә нинди бәягә сатып алырга тәкъдим итәчәкләр. 

ТР пешекчеләр гильдиясе башкарма директоры Илдар Тәкыйуллин ризыкны Көнчыгыш кухнясының иң яхшы традицияләрендә: дүрт төр май һәм хәләл сыер ите белән әзерләячәк.

Акция барышында җыелган акчалар хәйрия проектларын гамәлгә ашыруга юнәлдереләчәк.