Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Шамил Садыйков: Безгә милли телләрдә медианы үстерү буенча Кырым тәҗрибәсе кызыклы
«Татмедиа» АҖ делегациясе бүген Кырымда эш сәфәрендә.
(Казан, 22 сентябрь, «Татар-информ»). «Татмедиа» АҖ һәм Кырым Республикасының Эчке сәясәт, мәгълүмат һәм элемтә министрлыгы арасында хезмәттәшлек турында Меморандум Татарстан һәм ярымутрау редакцияләре арасында медиаконтент алмашуны җайга салырга мөмкинлек бирәчәк.
«Татарстан һәм Кырым — тугандаш төбәкләр, безнең халыклар арасындагы тарихның барлык этаплары тыгыз бәйләнгән. Хәзер мәгълүмат, контент, журналистика өлкәсендә тәҗрибә алмашуны төзү бурычы тора. „Татмедиа“да бик зур тәҗрибә тупланган, ул, бәлки, безнең хезмәттәшләребезгә кызыклы булыр. Үз чиратында безгә Кырым милли телләрдә медианы үстерү тәҗрибәсе бик кызыклы», — диде «Татмедиа» АҖ генераль директоры Шамил Садыйков.
Генераль директор искәрткәнчә, «Татмедиа» АҖ Россиянең күп кенә төбәкләре белән хезмәттәшлекне актив төзи.
«Бездә Якутия, Чувашия, Башкортстан республикалары белән хезмәттәшлек турында меморандумнар имзаланды. Татарлар Россиянең барлык төбәкләрендә яши, татар диаспоралары тарихи ватандагы вакыйгалар турында мәгълүматка мохтаҗ, ә татарстанлыларга диаспораларның ничек яшәве белү кызык», — дип аңлатты Садыйков.
«Татмедиа» АҖ делегациясе бүген Кырымда эш сәфәрендә, визитның максаты — ике республика арасында мәгълүмати һәм мәдәни элемтәләрне җайга салу. Делегация составына баш мөхәррирләр, Кырым җәмәгатьчелегендә популяр Татарстан язучылары һәм шагыйрьләре кертелгән.
Алар арасында «Татар-информ» мәгълүмат агентлыгы баш мөхәррире Ринат Билалов, «Мәгариф» журналы җитәкчесе Сөмбел Таишева, «Мәдәни җомга» газетасының баш мөхәррире, Тукай исемендәге премия лауреаты Вахит Имамов, «Шәһри Казан» газетасы җитәкчесе Радик Сабиров һәм башкалар бар.
Кызыклы яңалыкларны күзәтеп бару өчен Телеграм-каналга язылыгыз