Татарстанда эссе һәм коры һава торышы саклана

Иртәгә республикада 30 градуска кадәр җылы булуы көтелә

(Казан, 22 май, «Татар-информ»). Татарстанда эссе һәм коры һава торышы саклана. Иртәгә республикада явым-төшемсез алмашынучан болытлы һава булуы көтелә.

23 нче майга каршы төндә 12-17, иртәгә көндез 25-30 градус җылы була.

ТР Гидрометеорология һәм әйләнә-тирә мохитне күзәтү идарәсенең метеорологик фаразлар бүлеге башлыгы Ирина Трущина хәбәр иткәнчә, иртәгә көндез Казанда 26-28 градуска кадәр җылы булуы көтелә.

24 нче майга каршы төндә 12-17 градус җылы, аз болытлы һава була, явым-төшем көтелми.