Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Баулыда Бөтендөнья татар конгрессы һәм «Ак калфак»ның җирле бүлекчәләре киңәшләште
Анда 2021 елда үткәрелгән эшләргә йомгак ясалды, киләсе елда алга куелган бурычлар белән таныштырды.
(Баулы, 22 гыйнвар, «Татар-информ», «Баулы-информ», Индира Сәйфуллина). Баулыда Бөтендөнья татар конгрессының һәм «Ак калфак» оешмасының җирле бүлекчәләре активы үткән елга йомгак ясар өчен матур очрашуга җыелды.
Очрашу Фәридә Зыярованың хисап доклады белән башланды. Ул 2021 елда үткәрелгән эшләргә йомгак ясады, киләсе елда алга куелган бурычлар белән таныштырды.
Чара барышында шулай ук районның гүзәл затлары алда торган бурычлар буенча үз фикер һәм тәкъдимнәрен дә җиткерде.
«Ак калфак»ның Исергәп һәм Шалты авылларындагы бүлекчә җитәкчеләре Рүзилә Әбүзарова һәм Наҗия Гыйльфанованың башкарган күркәм эшләре, район җитәкчелегенең Рәхмәт хатлары белән билгеләнде. Аны район башкарма комитетының социаль сораулар буенча урынбасары Илмира Хөснуллина тапшырды.
«Ак калфак» оешмасының Шалты бүлекчәсендә эшләвем белән дә чиксез бәхетле мин. Төптән уйлап карасак, райондагы «Ак калфак»ларның эше бәяләп бетергесез бит. Яшьләр белән дә эшлибез, өлкән буын кешеләре белән дә. Яңалыкларны да теләп кабул итәбез, үткәнебезне, милләтебезнең гореф-гадәтләрен, матур традицияләрен саклап калуга зур өлеш кертәбез дип уйлыйм», — дип сөйләде Наҗия Гыйльфанова.
Кызыклы яңалыкларны күзәтеп бару өчен Телеграм-каналга язылыгыз