Путинның зур матбугат конференциясе быел 14 декабрьдә узачак

Аккредитация һәм брифинглар департаменты матбугат конференциясендә катнашу өчен гаризалар кабул итә башлый, - диелгән дәүләт башлыгы сайты хәбәрендә.

(Казан, 21 ноябрь, “Татар-информ”). Россия президенты Владимир Путинның зур матбугат конференциясе быел 14 декабрьдә уза. Бу хакта Кремль сайты хәбәр итә.

“Россия Федерациясе Президенты Матбугат хезмәте һәм мәгълүмат идарәсенең Аккредитация һәм брифинглар департаменты, матбугат конференциясендә катнашу өчен, гаризалар кабул итә башлый”, - диелгән дәүләт башлыгы сайтында басылган хәбәрдә.