Россиядә яшәүчеләрнең күпчелеге аэропортта тәмәке тарту яклы булуын әйткән

Авиапассажирларның өчтән бере түзә алмый һәм кеше күрмәгәндә бәдрәфләрдә тәмәке тарта.
(Казан, 21 июль, «Татар-информ»). Россиядә яшәүчеләрнең күпчелеге (81%) аэропортларга «чиста зоналары»на тәмәке тарту бүлмәсен кире кайтару өчен чыгыш ясый. Бу хакта РИА Новости Туту.ру сайтының сәяхәтләр сервисын тикшерү мәгълүматларына сылтама белән хәбәр итә.Экспертлар сүзләренчә, респондентлар тәмәке тартучылар бәдрәфләрдә качып төтен чыгармасын өчен махсус урыннарны кире кайтарырга тели. Алдагы тикшеренүләр күрсәткәнчә, авиапассажирларның өчтән бере кеше күрмәгәндә бәдрәфләрдә тәмәке тарта.Сораштыруда катнашучыларның 21 проценты тәмәке тарту урыны кирәкми һәм тәмәке тартучылар түзәргә тиеш дип саный.