Казанда иртән 9 баллы «бөке»ләр барлыкка килде

Хәрәкәт итүдә кыенлыклар башкаланың барлык районнарында да диярлек күзәтелә.

(Казан, 21 гыйнвар, «Татар-информ»). Казанда иртән инде гадәти хәлгә әверелгән 9 баллы «бөке»ләр барлыкка килде.

«Яндекс. Пробки» порталында шундый мәгълүмат урнаштырылган.

Хәрәкәт итүдә кыенлыклар үзәккә таба Кызыл Кокшай урамында, шулай ук Копылов һәм ТЭЦ урамнарында күзәтелә.

Машина йөртүчеләргә Ершов урамына таба Себер трактында һәм Ямашев проспектына кадәр Җиңү проспектында да шактый «утырырга» туры киләчәк.

Моннан тыш, Гадел Кутуй урамында, «Горки» сәүдә үзәге янында Гвардия урамының бер өлешендә, Әмирхан проспектына кадәр Чуйков урамында, үзәккә таба Оренбург тракты һәм Ферма шоссесында да «бөке»ләр хасил булган.