news_header_top_970_100
16+
news_header_bot_970_100

Юрий Чайка Төньяк Кавказ федераль округында Тулы вәкаләтле вәкил булачак

Кичә Юрий Чайка Генераль прокурор вазифасыннан китте.

(Казан, 21 гыйнвар, «Татар-информ»). Россиянең элеккеге Генераль прокуроры Юрий Чайкага Россия Президентының Төньяк Кавказ федераль округында Тулы вәкаләтле вәкиле булырга тәкъдим иттеләр. Бу хакта Кремль вәкиле Дмитрий Песковка сылтама белән РИА Новости хәбәр итә.

Рәсми рәвештә билгеләнү турындагы указ әлегә имзаланмаган, дип өстәде Песков.

Кичә башка эшкә күчү сәбәпле, Юрий Чайканы Генераль прокурор вазифасыннан азат итүләре билгеле булды.

autoscroll_news_right_240_400_1
autoscroll_news_right_240_400_2
news_bot_970_100