Россиядә сабыйлар үлеме күрсәткече тарихи минимумга төшкән

Татарстанда сабыйлар үлеме дөньякүләм күрсәткечләргә кадәр кимегән.

(Казан, 20 декабрь, "Татар-информ"). Россиядә 2018 елның 10 аенда сабыйлар үлеме күрсәткече тарихи минимумга төшкән. Әлеге  сан яңа туган мең баланың бишесе вафат була дигәне аңлата. Бу турыда Россия Сәламәтлек саклау министрлыгы хәбәр итте.

"Шул ук вакытта әлеге күрсәткечнең динамикасы төрле төбәкләрдә төрлечә үзгәрә", - дип өстәгәннәр министрлыкта.

  • Моңа кадәр "Татар-информ" агентлыгы Татарстанда сабыйлар үлеме дөньякүләм күрсәткечләргә кадәр кимеде дип хәбәр иткән иде.