Кукмарада сугыш ветераннарына кәрәзле телефон бүләк иттеләр

Проектны «Безнең Җиңү» оештыру комитеты «Җиңү волонтерлары» Бөтенроссия иҗтимагый хәрәкәте белән берлектә оештыра.

(Кукмара, 20 октябрь, «Татар-информ», «Хезмәт даны»). Кукмара районының барлык сугыш ветераннарына лимитсыз тарифлы кәрәзле телефоннар бүләк иттеләр. Әлеге проект ветераннарга адреслы ярдәм күрсәтү максатыннан, «Безнең Җиңү» оештыру комитеты «Җиңү волонтерлары» Бөтенроссия иҗтимагый хәрәкәте белән берлектә оештырыла. бу турыда район басмасы хәбәр итә.

Ветераннарга бүләкне район башлыгы урынбасары Резидә Гаянова һәм район Башкарма комитеты җитәкчесе урынбасары Айгөл Әхмәтшина тапшырды. Чарада район инвалидлар оешмасы җитәкчесе Валентин Иванов, район социаль яклау бүлеге җитәкчесе Светлана Җамалиева һәм волонтерлар да катнашты.

«Безне кайгыртканыгыз өчен рәхмәт. Бик зур бүләк булды, бәхет телефоны бу», — дип сөенечләре белән уртаклашты ветераннар.