Татарстан синоптиклары көчле җил һәм томан турында кисәтә

Республикада җылы, әмма дымлы һава торышы булачак.

(Казан, 20 октябрь, “Татар-информ”). Иртәгә, 21 октябрьдә Татарстанда төнлә һәм иртән томан төшәчәк. Бу хакта Татарстан Гидрометеорология һәм әйләнә-тирә мохитне күзәтү идарәсе хәбәр итә.

Моннан тыш, республикада көньяк-көнбатыштан 15-17 метр тизлектәге көчле җил (Казанда 15 метрга кадәр) исәчәк. Вакыты белән яңгыр яварга мөмкин.

Төнлә һава температурасы 2 градус булачак. Көндез 9-14 градуска кадәр җылытачак. Республиканың көньяк-көнбатыш өлешендә җылырак булачак.

  • Алдарак “Татар-информ” “төньяк-көнбатыш циклонының чираттагы җылы фронты” Татарстаннан антициклонны чыгару сәбәпле, җылытачак һәм һава торышы шартлары бозылачак дип хәбәр иткән иде.