Татарстанда 4, 6 һәм 27 ноябрь – бәйрәм көннәре

Пәнҗешәмбе, 5 ноябрь – кыска эш көне
(Казан, 20 октябрь, “Татар–информ”, Лилия Маркелова). Татарстанда ноябрь ае бәйрәмнәргә бай булачак. Бу – 4 ноябрь (Халык бердәмлеге көне), 6 ноябрь (Татарстан Республикасы Конституциясе көне) һәм 27 ноябрь – Корбан бәйрәме.
“Татар–информ” агентлыгына ТР Хезмәт, мәшгульлек һәм социаль яклау министрлыгының Хезмәт шартлары һәм аны саклау идарәсеннән хәбәр итүләренчә, чәршәмбе һәм җомга – бәйрәм көннәре арасында калган 5 ноябрь – пәнҗешәмбе – бер сәгатькә кыскарак гадәти эш көне.