Баулы район үзәк хастаханәсенә гриппка каршы вакцина кайткан

Татарстанда гриппка каршы прививка ясату башланды.

(Баулы, 20 август, "Татар-информ", "Хезмәткә дан", Кадрия Гимазова). Баулы район үзәк хастаханәсенә гриппка каршы вакцинаның балаларга ясарга 750 доза беренче партиясе кайткан, дип яза район газетасы.

Татарстанда гриппка каршы прививка ясату башланды. 2017 елда республикада 1,5 миллионнан артык кешегә вакцина ясау күздә тотыла. Бушлай прививка 6 яшькә кадәрге балаларга, укучыларга, студентларга, медицина һәм мәгариф учреждениеләре, транспорт, коммуналь тармак хезмәткәрләренә, 60 яшьтән өлкәннәргә, хроник авырулы кешеләргә, йөкле хатын-кызларга, призывникларга һәм башка хәвеф төркемнә керүчеләргә ясала.