Абу-Дабида WorldSkills Competition-2017 дөнья чемпионаты ябылу тантанасы бара

Татарстан Президенты Рөстәм Миңнеханов социаль челтәрләрдә чемпионат ябылышы тантанасын видеоязмада урнаштырган.
(Казан, 19 октябрь, "Татар-информ"). Бүген Абу-Дабида 44 нче WorldSkills Competition-2017 дөнья чемпионаты ябыла.Татарстан Президенты Рөстәм Миңнеханов социаль челтәрләрдә чемпионат ябылышы тантанасы башлануын видеоязмада урнаштырган.Соңрак турнир җиңүчеләре исемнәре атала башлады. Татарстан лидеры бу мизгелдән дә  видеоязма куйган.Искәртеп үтик, бүген Абу-Дабида 44 нче WorldSkills Competition-2017 дөнья чемпионатының ябылу тантанасында WorldSkills әләме Россия делегациясенә тапшырыла. Нәкъ менә Россия һөнәри осталык буенча киләсе – 45 нче дөнья чемпионатын кабул итәчәк. Ярышлар Казанда 2019 елның 29 августыннан – 3 сентябренә кадәр узачак.