news_header_top_970_100
16+
news_header_bot_970_100

Апас районыннан Рифат Сабирҗанов 46нчы тапкыр сайлауларда катнаша

17-19 сентябрьдә Россия Федерациясе Дәүләт Думасына сайлаулар үтә.

Апас районыннан Рифат Сабирҗанов 46нчы тапкыр сайлауларда катнаша
"Апас-информ"

(Казан, 19 сентябрь, «Татар-информ», «Апас-информ»). Апас районында яшәүче Рифат Сабирҗанов 46нчы тапкыр сайлауларда катнаша. Бу хакта район басмасы яза.

Районда сигезенче чакырылыш Дәүләт Думасына сайлаулар оешкан төстә үтә. Райондашларны сайлау участокларында җыр-моңнар, кайнар чәй һәм коймак белән каршы алалар. Сайлаучылар да бирегә сөенеп киләләр.

Апаста яшәүче Рифат абый Сабирҗанов өчен бу көн икеләтә бәйрәм. Бүген ул гомер бәйрәмен каршылый һәм 46нчы тапкыр сайлауларда катнаша. «Дөньялар тыныч булсын. Яшәү өчен бөтен шартлар да бар. Апасыбыз бик матурланды. Балалар өчен дә, өлкәннәр өчен дә уңайлылыклар артты», — диде ул.

autoscroll_news_right_240_400_1
autoscroll_news_right_240_400_2
news_bot_970_100