Лилия Галимова: Район башлыклары тәҗрибәсе Дәүләт Советында урынлы булачак

Татарстан парламентының яңа әгъзалары Татарстан Республикасының берничә муниципалитетының элеккеге җитәкчеләре булды.

(Казан, 19 сентябрь, «Татар-информ», Ксения Перепеченова). Татарстан муниципалитетларының элеккеге башлыклары булган идарә итү тәҗрибәсе республика парламенты тарафыннан кабул ителә торган законнарның сыйфатын күтәрергә мөмкинлек бирәчәк. Бу турыда Казан Кремленең рәсми вәкиле Лилия Галимова хәбәр итте.

«Республика Президенты фикеренчә, парламент — идарә өлкәсендә зур тәҗрибәгә ия булган кешеләр тәкъдим ителергә тиешле орган, бу кабул ителгән законнар замана чакыруларына, ә иң мөһиме — гражданнар мәнфәгатьләренә җавап бирсен өчен кирәк. Татарстан Президенты парламентта республиканың элеккеге муниципаль районнары башлыкларын шундый эшкә өндәде», — дип сөйләде Лилия Галимова.