Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Кама студентлары һәм укучылар өчен җәйге медиамәктәп эшли башлады
Кызыклы мастер-класслар, сюжет төшерү, мәкаләләр язу, газета чыгару белән бергә яшь кадрларны бик күп сюрпризлар көтә.
(Казан, 19 июнь, «Татар-информ»). Түбән Кама телерадиокомпаниясе (НТР) медиахолдингы Түбән Кама студентлары һәм мәктәп укучылары өчен җәйге медиамәктәп оештырды. Бу турыда Түбән Кама муниципаль районы рәсми сайтында хәбәр ителә.
Бу — журналист булырга хыялланган кешеләр өчен уникаль проект. Биредә балалар үзләрен телевидениедә, радиода, газетада һәм интернетта сынап карый алачак. НТРның моның өчен бөтен мөмкинлекләре бар, ә иң мөһиме — биредә яшьләр белән осталык серләрен уртаклашырга әзер булган профессионаллар эшли.
Хәбәрче Светлана Шумкова сүзләренчә, балалар иң кирәкле мәгълүматны аерып алырга һәм аны кыска, әмма эчтәлекле итәргә өйрәнәчәк.
Кызыклы мастер-класслар, сюжет төшерү, мәкаләләр язу, газета чыгару белән бергә яшь кадрларны бик күп сюрпризлар көтә.
«Белем бирүдән тыш, без укучыларыбыз өчен зур булмаган конкурс оештырырга уйладык. Ул социаль челтәрләрдә узачак. Катнашучылар үз шөгыльләре турында сөйләячәк, соңыннан без иң кызыклы мәкаләне, иң кызыклы хикәяне сайлап алып, аерым билгеләп үтәчәкбез», — ди DFM — Түбән Кама радиостанциясенең программа директоры Николай Фомин.
«Безгә үзебезгә сайлау мөмкинлеге бирелде, ягъни кемдер әле үз юнәлешен билгеләмәгән булса, без башта барлык өлкәләрне дә өйрәнеп чыга һәм аннары инде үз юнәлешебезне билгели алабыз. Бу — бик яхшы, минемчә», — дип билгеләп үтте медиамәктәп укучысы Регина Вәлиәхмәтова.
НТР медиамәктәбендә белем алган һәркемгә сертификат биреләчәк. Бу документ, һичшиксез, аларга киләчәктә һөнәр сайлауда ярдәм итәчәк.
Кызыклы яңалыкларны күзәтеп бару өчен Телеграм-каналга язылыгыз