Киров өлкәсе Сабан туена әзерләнә

Быел өлкә Сабан туе 29 июньдә Нократ Аланы шәһәрендә узачак.

(Казан, 19 май, «Татар-информ»). Киров өлкәсе Сабан туена әзерләнә. Бу хакта Бөтендөнья татар конгрессы матбугат хезмәте хәбәр итә.

Быел юбилей елында өлкә Сабан туе 29 июньдә Нократ Аланы шәһәрендә узачак.

Сабан туен бәйрәм итүгә әзерлек тулы куәтенә бара: территорияне төзекләндерү эшләре үткәрелә, концерт программасы репетицияләре үткәрелә. Мәйдан үткәрү урынын чистарту буенча шимбә өмәсе узды.