Түбән Камада иҗтимагый киңлекләрне үстерү максатыннан хакатон үткәрелә
Хакатон - компания яки муниципалитет өчен цифрлы технологияләр эшләү буенча креатив кешеләр командалары арасында ярыш.
(Казан, 19 апрель, «Татар-информ»). Түбән Камада 14-16 май көннәрендә шәһәрнең уку мәйданнарының берсендә хакатон узачак.
Хакатон — компания яки муниципалитет өчен цифрлы технологияләр эшләү буенча креатив кешеләр командалары арасында ярыш. Ул оешмаларга яңа кадрлар табу, шулай ук гамәлдәге кейслар өчен кызыклы карарлар алу мөмкинлеге бирә. Бу турыда Түбән Кама муниципаль районы рәсми сайтында хәбәр ителә.
Катнашучылар 48 сәгать эчендә тәкъдим ителгән бурычларның берсен хәл итәргә тиеш. Хакатонга IT-белгечләр дә, мәгълүмати технологияләргә бернинди катнашы булмаган командалар да чакырыла. Җиңү аларга үз идеясен эшләп бетерергә һәм шәһәрдә җәелдерү мөмкинлеген бирәчәк. Ә уңышлы эшләтеп җибәргәндә — бөтен республикага тарату.
Чараны Түбән Кама мэриясе һәм Казан IT-паркы оештыра. Катнашу өчен гаризалар 10 майга кадәр кабул ителә.
IT-парк экспертлары катнашучыларга идея булдыру һәм бизнес-модельне сынап карау, беренче клиентларга ихтыяҗны билгеләү, питчлар үткәрү турында сөйләячәк. Командаларда катнашучылар әһәмиятле иҗтимагый киңлекләрне, хакимият бинасын, шәһәр предприятиеләрен караячак. Шуннан соң биремне үтәүгә керешәчәк.
Катнашу бушлай. Хакатонга теркәлү сылтама буенча: https://forms.gle/7isP1PKd4aushJMm9 яки http://hackathon-nk.tilda.ws/