Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россиядә балалар омбудсменына мөрәҗәгать итү өчен кыска номер булачак
Хәбәрләргә темасына карап, автомат рәвештә маршрут биреләчәк.
(Казан, 19 апрель, «Татар-информ»). Россиядә яңа система булдырылды, ул РФ Президенты каршындагы Бала хокуклары буенча вәкаләтле вәкил аппаратына мөрәҗәгатьләрне оператив рәвештә эшкәртергә мөмкинлек бирәчәк. Система ашыгыч хәбәрләр генә кабул итеп калмый, көндәлек сораулар белән дә шөгыльләнәчәк. Бу хакта балалар омбудсмены Анна Кузнецовага сылтама белән РИА Новости хәбәр итә.
Ул сөйләгәнчә, теләүчеләр белгечләргә кыска өч номер буенча мөрәҗәгать итә алачак.
«Хәзер эш алып барыла гына түгел, әзер цифрлы продукт бар. Ул — кешеләрнең ашыгыч очраклар белән генә түгел, ә теләсә нинди куркыныч сигналлар, шул исәптән көндәлек тормыштан гади сораулар белән бәйле мөрәҗәгатьләрен эшкәртергә мөмкинлек бирүче мәгълүмати система. Мисал өчен, баланы бакчага урнаштыру, якындагы поликлиниканы эзләп табу турында һәм башка сораулар бирергә мөмкин булачак. Бу өч урынлы номер булыр дип уйланыла», — диде ул.
Хәбәрләргә темасына карап, автомат рәвештә маршрут биреләчәк.
«Кешегә, балага һәм балалар тәрбияләнә торган гаиләгә ярдәм итүгә бөтен ресурсны мөмкин кадәр күбрәк кертү максаты куела. <…> Бу инициатива РФ Цифрлы үсеш, элемтә һәм массакүләм коммуникацияләр министрлыгы белән эшләнгән инде, әлеге проектка Россия Президенты Владимир Путин тарафыннан ярдәм булды», — дип өстәде Кузнецова.
Кызыклы яңалыкларны күзәтеп бару өчен Телеграм-каналга язылыгыз