Чирмешән районында сугыш ветераны коронавируска каршы вакцина ясатты
Белгечләр социаль хезмәтләр алучылар белән «Коронавируслы инфекция йоктырудан ничек сакланырга?» дигән темага әңгәмәләр алып бара.
Скопировать ссылку
(Чирмешән, 19 апрель, «Татар-информ», «Безнең Чирмешән», Гүзәлия Сафиуллина). Чирмешән районының Лашман авылында яшәүче Бөек Ватан сугышы ветераны Габдулла Мөхәммәтшин да коронавируслы инфекциядән вакцина ясатырга теләк белдерде. 96 яшьлек ветеран вакцинаны җиңел кичерә, үзен әйбәт хис итә.
«Мәрхәмәтле йөрәк» комплекслы үзәгендә белгечләр социаль хезмәтләр алучылар белән «Коронавируслы инфекция йоктырудан ничек сакланырга?» дигән темага әңгәмәләр алып бара. Нәтиҗәсе күз алдында — өлкәннәр арасында COVID-19дан вакцина ясатырга теләүчеләр саны көннән-көн арта.