Азнакайның Яңа Юл микрорайонында күп функцияле үзәк төзелә

Ул 200 урынлык тамаша залына һәм ФАПка исәпләнгән.

(Азнакай, 19 апрель, «Татар-информ», «Маяк», Резидә Шәрипова). Азнакайның Яңа Юл микрорайонында Чалтугай урамында республика программасы буенча күп функцияле үзәк төзелә башлады. Бу турыда район басмасы хәбәр итә.

Ул 200 урынлык тамаша залына һәм ФАПка исәпләнгән. Гомуми мәйданы — 412 кв. м. Бина бер катлы булачак.

Бүгенге көндә анда нигез салу эшләре бара. Төзелешне сентябрь аенда тәмамларга исәплиләр.