Бер елда күп функцияле үзәкләр күрсәткән хезмәтләр саны миллионга якын арткан

2019 елда республиканың күп функцияле үзәге 5 миллионнан аз гына кимрәк хезмәт күрсәткән.

(Казан, 19 февраль, «Татар-информ», Вероника Ваганова). 2019 елда Татарстан күп функцияле үзәкләре 5 миллионга якын хезмәт күрсәткән, бу 2018 елга караганда 1 миллионга күбрәк. Бу хакта учреждение коллегиясенең йомгаклау утырышында Татарстанда күп функцияле үзәк директоры Ленара Мозаффарова хәбәр итте.

«Бүген күп функцияле үзәкнең теләсә кайсы офисында Татарстанда федераль, төбәк һәм муниципаль хакимият органнары хезмәтләренең 205 төрен алырга мөмкин. 2019 елда күп функцияле үзәк рекордлы санда 5 миллионга якын хезмәт күрсәткән», — дип сөйләде ул.

Мозаффарова искәрткәнчә, Татарстанның күп функцияле үзәге агымдагы елда 26 яңа хезмәт күрсәтә башларга планлаштыра. Бу, аерым алганда, алкоголь продукциясен ваклап сатуга лицензияне яңадан рәсмиләштерү, республика милкендәге җир кишәрлекләрен бирү, тракторларга техник тикшерү үткәрү һәм аучылык билетын алу.