Татарстан иң популяр Россия төбәкләре унлыгына кергән

Узган елда республикага 3,1 млн турист килгән.

(Казан, 19 февраль, «Татар-информ»).  Татарстан 2017 ел нәтиҗәләре буенча туристларның иң популяр Россия төбәкләре унлыгына кергән. Бу хакта «ТурСтат» аналитик агентлыгы хәбәр итә.

Агентлык мәгълүматлары буенча, узган елда республикага 3,1 млн турист килгән. 2016 ел белән чагыштырганда, бу җиде процентка күбрәк. Шул рәвешле әлеге рейтингта Татарстан җиденче урында тора.

Рейтингның лидерлары булып Краснодар (15,8 миллион турист), Мәскәү (14,1 млн турист) һәм Кырым (5,4 млн) тора.