Азнакайның Мәнәвез авылында димләү кичәсе узды

Азнакайда “Пар канатлар” башлангычы белән ялгызларны парлы итү юнәлешендә эшчәнлек киң колач алды.

(Азнакай, 19 февраль, "Татар-информ", "Маяк"). Азнакайда “Пар канатлар” башлангычы белән ялгызларны парлы итү юнәлешендә эшчәнлек  киң колач алды, дип яза районның "Маяк"газетасы.

Туйкә, Мәнәвез, Үчәлле, Баланлы Бүләк авыллары мәдәният йортлары хезмәткәрләре бергәләшеп “Мәхәббәт ачкычлары” проекты да эшләде. Аның кысаларында Мәнәвездә  “Әйдә, өйләнешәбез!” исеме астында танышу – шоу үтте. Шоуда димче “Сәбитова”, алып баручы “Гузеева”, астролог – барсы да булды.