Фирдүс Гыймалтдинов туган авылы Югары Лашчы мәктәбенә җиһазлар бүләк иткән

Бу аның туган авылына беренче ярдәм итүе генә түгел инде.

(Буа, 18 октябрь, «Татар-информ», «Байрак»). Шушы көннәрдә «Татарстан» ДТРК генераль директоры Фирдүс Гыймалтдинов Буа районының Югары Лашчы мәктәбенә җиһазлар бүләк иткән. Бу турыда район басмасы хәбәр итә.

Бу аның туган авылына беренче ярдәм итүе генә түгел инде. Бу юлы ул коридорга йомшак җиһаз, өстәл, директор кабинетына шкафлар, тумбочкалар, эш өстәле кайтарткан.

Буа якташлыгы җәмгыяте әгъзасы буларак, Фирдүс тә Ирек Закиров, Раил Зыатдинов кебек меценатлар үрнәгендә Буа өчен янып яши.