Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рөстәм Миңнеханов инаугурациягә Aurus машинасында килде
Aurus Senat машиналарын серияле җитештерү «Алабуга» МИЗда 2020 елда башланачак.
(Казан, 18 сентябрь, «Татар-информ»). Татарстан Президенты Рөстәм Миңнеханов Салих Сәйдәшев исемендәге Зур концерт залына инаугурациягә Aurus Senat президент лимузинында килде.
Рөстәм Миңнеханов Ford-Sollers уртак предприятиесе башлыгы Адил Ширинов белән эшлекле очрашу уздырган иде. Анда предприятиенең Aurus лимузиннары чыгаруга әзерлеге турында фикер алыштылар. Предприятиенең генераль директоры хәзерге вакытта эретеп ябыштыру, буяу һәм җыю өчен җиһазлар әзерләү баруын сөйләгән иде. Параллель рәвештә белгечләр туплау һәм аларны алга таба укыту эше алып барыла.
Адил Ширинов хәбәр иткәнчә, Алабугада җыела торган беренче Aurus Senat клиентларга 2021 елның маенда җибәрелергә әзер булачак.
«Алабуга» МИЗда Ford Sollers заводы Aurus Senat югары комфортлы җиңел автомобильләр чыгаруга әзерләнә. 2022 елдан «Алабуга»да Aurus Komendant вәкиллекле класслы тулы үлчәмле кроссовер чыгара башларлар дип көтелә.
Aurus машиналары кергән «Кортеж» проекты 2013 елдан дәүләтнең беренче затларын йөртү һәм озатып бару өчен автомобильләр булдыру платформасы буларак эшләнә. Aurus лимузины беренче тапкыр Россия Президенты Владимир Путинның инаугурациясендә 2018 елның маенда кулланылган.
Кызыклы яңалыкларны күзәтеп бару өчен Телеграм-каналга язылыгыз