Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Тәтешнең стендка ату мәктәбендә ремонт эшләре өчен 38 миллион сум бүлеп бирелгән
Анда бүгенге көндә 11дән алып 24 яшькә кадәрге 162 кеше шөгыльләнә.
(Тәтеш, 18 сентябрь, «Татар-информ», «Тәтеш таңнары»). Тәтешнең стендка ату мәктәбе төрле дәрәҗәдәге ярышларда җиңгән берничә буынны тәрбияләп чыгарган. Биредә ату мәйданчыкларын һәм хуҗалык биналарын ремонтлау планлаштырыла. Бу эшкә 38 миллион сум бүлеп бирелгән.
Солтан Яруллин — спорт кадрларын чыныктыру урынына нигез салган. Ул узган гасырның 60нчы еллар башында стендка ату мәктәбе булдыру идеясе белән янган. Һәм бу аның тормышка ашкан. Вакыт сизелми дә узып киткән, стенд танымаслык булып үзгәргән. Дөрес, әгәр аның территориясе буйлап йөрсәң, аңа нигез салучы турында искә төшерүче объектларны очратырга була әле.
Татарстанда гына түгел, шулай ук Россиядә дә иң яхшыларның берсе булган Тәтешнең стендка ату мәктәбендә яхшы күнегүләр ясар һәм бөтенроссия дәрәҗәсендәге ярышлар үткәрер өчен барлык шартлар тудырылган.
Андрей Кушагин Тәтешнең стендка ату мәктәбендә тугыз ел җитәкче булып тора. Ул җитәкчелек иткән вакытта «Уңайлы мохит» программасы буенча эшләр башкарылган, әле тагын ике «скит» һәм «трап» мәйданчыклары төзелгән (моңа кадәр алар дүртәү иде, һәр төрдә икешәр).
Территориянең барлык киңлегендәге тәртипне 12 видеокамера күзәтә, шулай булгач каравыл барлык күренешләрне — куркынычсызлык таләпләрен һәрвакытта белеп тора.
«Ату мәйданчыкларын һәм хуҗалык биналарын ремонтлау планлаштырыла. Әлеге максатларга республика бюджетыннан 38 миллион сум бүлеп бирелде. Эшләр язын башланып китте, әмма коронавирус пандемиясе аркасында аларны туктатырга туры килде. Шулай ук административ бинаның өченче катында кунакханә ясарга ниятлибез, бу килгән спортчыларны урнаштыру мәсьәләсен хәл итәргә булышачак», — дип сөйли Андрей Анатольевич.
Кызыклы яңалыкларны күзәтеп бару өчен Телеграм-каналга язылыгыз