Рөстәм Миңнеханов көзге сайлауларда тавыш биргән татарстанлыларга рәхмәтен җиткерде
Бүген 10:00 сәгатьтә Республика Президенты инаугурациясе булачак.
Скопировать ссылку
(Казан, 18 сентябрь, «Татар-информ»). Татарстан Президенты Рөстәм Миңнеханов көзге тавыш бирүдә катнашкан барлык халыкка рәхмәт белдерде. Видеоролик «ВКонтакте» социаль челтәрендә урнаштырылган.
«Минем өчен тавыш бирүчеләргә аерым рәхмәт», — дип, елмаеп, өстәде ул.
Элегрәк «Татар-информ» бүген иртәнге 10:00 сәгатьтә Татарстан Президенты инаугурациясе узачагын хәбәр иткән иде. Тантананы онлайн карарга мөмкин булачак. Шулай ук бүген Казан телеманарасы республика флагы төсләренә буялачак.