Бүген Казанда кайбер автобус маршрутларының хәрәкәт схемасы үзгәрә

Үзгәреш Максимов урамында төзекләндерү эшләре белән бәйле.

(Казан, 18 август, «Татар-информ»). Бүген, 18 августтан, Казанда кайбер автобус маршрутларының - 6, 18, 33, 37, 40, 42, 53, 60, 78, 89, 92с, 93 – хәрәкәт схемасы үзгәрә. Бу Максимов урамында төзекләндерү эшләре һәм Дементьев урамыннан Лениград урамына кадәрге юл өлеше ябылу белән бәйле. Бу хакта мэрия матбугат хезмәте хәбәр итә.

6, 18, 33, 37, 53, 60 номерлы автобус маршрутлары Кошевой урамы – Ижевский урамы – Максимов урамы – Дементьев урамы – Павлов урамы – Айдаров урамы – Ленинград урамы – алга таба маршрутлары буенча хәрәкәт итәчәкләр. 40, 42, 78, 92с, 93 номерлы автобуслар Копылов ур. – Ленинград ур. (Кошевой һәм Максимов урамнарына кермичә) – алга таба маршрутлары буенча хәрәкәт итәчәкләр. 89 номерлы автобуслар Копылов ур. – ТЭЦ ур. – Дементьев ур. – Кошевой ур. – Лениград ур. – алга таба маршрутлары буенча хәрәкәт итәчәкләр.

13 номерлы “Г.Тукай мәйданы метро станциясе – Себер тракты” маршруты буенча йөри торган троллейбуслар маршруты вакытлача тукталып тора.

Вакытлыча үзгәрешләр планлы төзекләндерү эшләре тәмамланганчы гамәлдә булачак.