Дәүләт Думасына сайлауларда тавыш бирү өч көн дәвамында узачак

Сайлау 17, 18 һәм 19 сентябрьдә узачак.

(Казан, 18 июнь, «Татар-информ»). Сентябрьдә VIII чакырылыш Дәүләт Думасына сайлауларда тавыш бирү өч көн дәвамында узачак. Бу хакта Россия Үзәк сайлау комиссиясе утырышында кабул ителгән карарга сылтама белән РИА Новости хәбәр итә.

«VIII чакырылыш Дәүләт Думасы депутатларын сайлауда, шулай ук 2021 елның 19 сентябренә билгеләнгән башка сайлауларда, референдумнарда берничә көн рәттән — 17, 18 һәм 19 сентябрьдә тавыш бирү үткәрергә», — диелә Үзәк сайлау комиссиясе карарында.