Татарстан Дәүләт Советы аппараты хезмәткәрләре эшкә велосипедта килделәр

Казанда велосукмаклар ясау турында уйланырга кирәк, дип билгеләп үтте парламент аппараты хезмәткәрләре.

(Казан, 18 май, “Татар-информ”). Татарстан Дәүләт Советы аппараты хезмәткәрләре бүген “Эшкә велосипедта” акциясенә кушылдылар, дип хәбәр итә республика парламенты матбугат хезмәте.

Хезмәткәрләр үз транспортларын парламент бинасы каршындагы махсус велопарковкада калдырганнар.

Гомумән, алар акцияне уңай бәяләделәр, әмма Казанда Әлмәттәге кебек велосукмаклар ясау турында уйланырга кирәк, дип билгеләп үттеләр.