Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Алабугада ветераннарның фатирларын төзекләндерәчәкләр
Ветераннарның теләкләренә карап, аларның фатир ишекләре һәм тәрәзәләре алыштырылачак,
(Алабуга, 18 апрель, «Татар-информ», «Алабуга нуры»). Быел Бөек Ватан сугышында Җиңүнең 76 еллыгы алдыннан ветераннарның фатирларына ремонт ясалачак.
Ветераннарның теләкләренә карап, аларның фатир ишекләрен һәм тәрәзәләрне алыштырачаклар, обой ябыштырачаклар, инженерлык челтәрләре һәм сантехника ремонтланачак яки алыштырылачак, балконнар пыяла белән капланачак. Барлык эшләр дә 30 апрельгә тәмамланырга тиеш.
Сүз уңаеннан, өч фатирда ремонт төгәлләнеп килә. Әйтик, сугыш ветеранының тол хатыны һәм тыл хезмәтчәне Бибисара Фәсхетдинованың фатирында хезмәткәрләр ваннада ремонт ясый.
«Без түшәм һәм диварларны пластик панельләр белән тышладык. Шулай ук биредә канализация торбалары, су краннары, ишекләр һәм ванна астындагы экран алыштырылачак», — ди буяучы Татьяна Сабирова.
Бибисара Мөбарәкшина Җиңү көне алдыннан шундый бүләк алуына шат, ветераннарны онытмаулары өчен район җитәкчелегенә рәхмәт белдерә.
Җиңү көнен Бөек Ватан сугышында катнашкан ике ветеран, сугышта катнашучыларның тол хатыннары һәм тыл хезмәтчәннәреннән 16 кеше яңартылган фатирларда каршылаячак.
Кызыклы яңалыкларны күзәтеп бару өчен Телеграм-каналга язылыгыз