Азнакай районы Әлкәй авылы халкы Тау бәйрәменә җыелды

Бәйрәмдә катнашучылар рәхәтләнеп таудан шуды, ярышларда катнашты, самавырда кайнаган кайнар һәм хуш исле чәй эчте.

 (Азнакай, 18 февраль, "Татар-информ", "Маяк"). Бүген Азнакай районы Әлкәй авылында Тау бәйрәме гөрләп узды, дип яза җирле басма.

Әлеге чарага авылның олысы-кечесе – байтак халык җыелган иде.

Алар рәхәтләнеп таудан шуды, ярышларда катнашты, самавырда кайнаган кайнар һәм хуш исле чәй эчте.