Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Мин Арча баласы» проекты өченче сезонны башлый
Проект республика конкурсында җиңүче булды һәм бу сезон Министрлар Кабинетының грант ярдәме хисабына гамәлгә ашырылачак.
(Арча, 18 гыйнвар, «Татар-информ», «Арча хәбәрләре»). Бу сезонда Арча Укучылар сарае «Мин Арча баласы» проектын «Восточный» территориаль иҗтимагый үзидарәсенең җирле иҗтимагый оешмасы белән бергә гамәлгә ашырачак. Шулай ук проектның партнерлары — Мәгариф идарәсе, Яшьләр эшләре, спорт һәм туризм бүлеге, Мәдәният идарәсе, «Арча хәбәрләре» газетасы һәм шәхси эшмәкәрләр.
Проект кысаларында Арча районының тарихи урыннары һәм истәлекле урыннары турында 15 видеоролик булдыру планлаштырыла. Шулай ук иҗади конкурслар: рәсемнәр, фотографияләр, ребуслар чишү, асфальтта рәсем ясау, тарихи квестлар, фестиваль дә дәвам итәчәк. Анда Арча районында яшәүче 5 яшьтән алып 18 яшькә кадәрге барлык теләгән балалар һәм яшьләр катнаша ала. Конкурсларда җиңүчеләр проект логотибы төшерелгән бүләкләр алачак.
Проект республика конкурсында җиңүче булды һәм бу сезон Министрлар Кабинетының грант ярдәме хисабына гамәлгә ашырылачак. Бүлеп бирелгән акчага видеороликлар ясау һәм сувенирларда логотип төшерү өчен җиһазлар сатып алыначак.
Кызыклы яңалыкларны күзәтеп бару өчен Телеграм-каналга язылыгыз