Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Лаешта урман хуҗалыгын үстерү һәм үрчетү турында сөйләштеләр
Татарстан урман хуҗалыгы министры Равил Кузюров Лаеш муниципаль районына эш сәфәре кылды.
(Казан, 18 гыйнвар, «Татар-информ»). Бүген Татарстан урман хуҗалыгы министры Равил Кузюров Лаеш муниципаль районына эш сәфәре кылды. Очрашу барышында урман хуҗалыгын үстерү, урманнарны торгызу һәм үрчетү буенча эшләр башкару, 2020 елгы янгын чыгу хәтәре янаган чорга әзерлек мәсьәләләре һ.б. каралды. Бу турыда Татарстан Урман хуҗалыгы министрлыгы матбугат хезмәте хәбәр итә.
Килеп җитү белән ул муниципаль район башкарма комитеты җитәкчесе Илдус Зарипов белән очрашты. Очрашу Лаеш шәһәре администрациясе бинасында узды. Анда шулай ук «Лаеш урманчылыгы» дәүләт казна учреждениесе җитәкче-урманчысы Валерий Изибеков, «Лаеш урман хуҗалыгы» дәүләт бюджет учреждениесе директоры Руслан Газизуллин катнашты.
Үз чыгышында Валерий Изибеков 2019 елда урманнарны саклау, яклау һәм яңадан торгызу буенча башкарылган эшләр турында сөйләде.
Санитар-савыктыру чаралары 295 га мәйданда башкарылган, шуларның 236 гектарында сайланма санитар кисүләр уздырылган, 51 гектарда ликвид булмаган агачлар җыелган.
«Урман янгыннары үзәге» ДБУ директоры Айдар Гайфуллин җыелышта катнашучыларга «Урман янгыннары үзәге» ДБУ эшчәнлеге һәм 2019 елда янгын чыгу хәтәре янаган чор нәтиҗәләре турында мәгълүмат бирде.
Утырышка урман хуҗалыгы министры Равил Кузюров йомгак ясады. Ул ведомство карамагындагы оешмаларның узган елдагы эшенә уңай бәя бирде һәм киләсе чорга бурычлар билгеләде. «Хәзер үк 2020 елгы янгын чыгу хәтәре янаган чорга ныклы әзерлек алып барырга кирәк, — диде Равил Кузюров.
Кызыклы яңалыкларны күзәтеп бару өчен Телеграм-каналга язылыгыз