21 һәм 30 августта Казанның күп функцияле үзәкләре эшләмәячәк

21 һәм 30 август Корбан бәйрәмен һәм Татарстан Республикасы көнен билгеләп үтү уңаеннан ял көннәре булып тора.

(Казан, 17 август, «Татар-информ»). Татарстанда дәүләт һәм муниципаль хезмәт күрсәтүче күп функцияле үзәкләр (МФЦ) 21 һәм 30 августта кешеләрне кабул итмиләр. Бу хакта мэрия матбугат хезмәте хәбәр итә.

20 һәм 29 августта, эш көне бер сәгатькә кыскара. 21 һәм 30 август Корбан бәйрәмен һәм Татарстан Республикасы көнен билгеләп үтү уңаеннан ял көннәре булып тора.

  • Казанда барлыгы 11 күп функцияле үзәк эшли, аларның икесе – бизнес вәкилләре өчен.