Чаллыда бер ир-ат хатынына бала таптырган

Бала Яңа шәһәрдәге фатирларның берсендә дөньяга аваз салган.

(Казан, 17 август, «Татар-информ»). Чаллыда бер ир-ат хатынына бала таптырган. Узган төндә яшь парларга зур түземлек күрсәтергә туры килгән, дип хәбәр итә «Челнинские известия».

Яңа шәһәрдәге фатирларның берсендә хатын-кыз өендә бала таба башлаган. Сабыйны беренче булып әтисе кулына алган. Бу – аларның гаиләсендәге икенче бала.

25 яшьлек ана һәм нарасый үзләрен яхшы хис итә. Табиблар бригадасы хатын-кызны яңа туган сабые белән бала табу йортына алып киткән. Анда аларны табиблар тикшерәчәк.