Казанда “Дини оешмалар һәм җәмгыять” дигән конференция бара

Аның кысаларында республиканың протестант оешмалары вәкилләре фикер алыша
(Казан, 17 июнь, “Татар-информ”, Рәсилә Кәримова). Бүген ТР Эчке эшләр министрлыгының Менжинский исемендәге Мәдәният үзәгендә республиканың протестант оешмалары вәкилләре “Дини оешмалар һәм җәмгыять: аларның бер-берләренә йогынтысы һәм үзара җаваплылык” дигән темага конференция уздыра. Форум эшендә ТР Президенты Аппараты, ТР Министрлар Кабинеты каршындагы Дин эшләре идарәсе вәкилләре, шулай ук Мәскәүдән кунаклар катнаша.
Кичкә кадәр исәпләнгән программада “Вклад евангельских церквей в развитие российского общества”, “Актуальные проблемы правового регулирования права на свободу совести и вероисповедания” һәм башка темаларга лекцияләр укылачак.
Форумның икенче яртысы башкаланың Голубятников урамында урнашкан “Назарет” чиркәве бинасында узачак. Биредә “Защита прав религиозның организаций при проведении проверок”, “Основные положения защиты прав религиозның организаций при осуществлении контроля и надзора” һәм башка темаларга семинарлар була. Аның соңында исә җыенда катнашучылар әлеге темалар буенча сорау-җавап рәвешендә фикер алышачак.