Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда машина кую өчен урын сатып алучылар дүрт тапкыр арткан
Машина урынын яңа төзелә торган йортта фатир белән бергә сатып алалар.
(Казан, 17 апрель, «Татар-информ»). Татарстанда яшәүчеләр яңа йортларда фатир һәм машина урыны сатып алу белән ешрак кызыксына башлаган.
Россия Дәүләт теркәве, кадастр һәм картография федераль хезмәтенең Татарстан буенча идарәсе матбугат хезмәте (Росреестр) хәбәр иткәнчә, 2021 елның өч аенда ведомство фатир өчен өлешләп түләү шарты белән 4700 һәм машина урынына 1200дән артык килешү төзегән. Шулай итеп, 2020 елга караганда, фатирга ихтыяҗ 30 процентка, ә машина урынына 4 тапкыр арткан.
Росреестрның Татарстан буенча идарәсе җитәкчесе урынбасары Лилия Борһанова сүзләренчә, кагыйдә буларак, машина урынын яңа төзелә торган йортта фатир белән бергә сатып алалар. «Ел башыннан алып яңа төзелгән йорттагы фатирлар белән бергә машина урынына да ихтыяҗ артуын күзәтәбез», — ди ул.
«Хәзерге вакытта машина урыннары, фатирлар кебек үк, кадастр исәбенә мөрәҗәгать итүченең катнашыннан башка — барлык башка фатирлар һәм машина урыннары белән бергә куела. Гражданга 9 эш көне дәвамында хокукны теркәү өчен мөрәҗәгать итәргә генә кала», — диде Лилия Борһанова.
Кызыклы яңалыкларны күзәтеп бару өчен Телеграм-каналга язылыгыз