Яшелүзәнле әби соңгы акчасыннан колак каккан

Мошенниклар тозагы аны да каптырган

 (Казан, 17 апрель, “Татар-информ”). Яшел Үзәндә яшәүче 72 яшьлек әбигә таң алдыннан, киявегез җинаять кылуда гаепләнә, дип шалтыраталар. Югалып калган пенсионер киявенең исемен дә үзе атый. Мошенниклар аны коткару өчен 150 мең сум акча таләп итә. Әбинең шуның кадәр акчасы юклыгына ышангач, 10 мең сумга да риза булалар. Пенсионер бөтен булган акчасын – 10 мең сумны курьер аша биреп җибәрә. Соңыннан киявенә шалтыратса, аның барысы да тәртиптә булуы ачыклана, дип гыйбрәт өчен яза “Яшел Үзән” басмасы.