Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чирмешәндә яшәүче хатын-кыз Мәскәүдә фатир откан
Якын көннәрдә аны Казанга чакырып, тантаналы шартларда сертификат һәм фатир ачкычларын тапшырачаклар.
Көтелмәгән бу сюрпризга ул әле һаман ышанып бетми. Чирмешәндә яшәүче ның «Пятерочка» сәүдә үзәгендә 555 сумга өч тапкыр әйбер сатып алуы Мәскәүдә бер бүлмәле фатирлы ясады.
(Чирмешән, 17 февраль, «Татар-информ», «Безнең Чирмешән», Гөлсирә Шәрифуллина). Чирмешәндә яшәүче Ирина Жигалова сәүдә үзәге үткәргән акциядә катнашып, Мәскәүдә фатир откан. Ул 555 сумга өч тапкыр әйбер сатып алган булган. Бу турыда район басмасы хәбәр итә.
Ул кәрәзле телефонына «Сез җиңүче булдыгыз!» дигән хәбәр килгәч тә ышанмый.
Шулай да, акциянең нәтиҗәләрен тикшерү максатыннан, ул сәүдә челтәренең рәсми сайтына кереп карый, ләкин җиңүчеләр арасында үзен тапмый.
Бераздан Иринаның электрон адресына хат килә һәм анда да ул акциянең җиңүчесе дип әйтелгән була. Аңа имза куюын сорап, документлар да җибәргәннәр. Акциянең оештыручысы, кесә телефонына шалтыратып, Мәскәүгә чакыргач та, Ирина һаман ышанып бетми.
"Туганнарым, якыннарым, ике кызым белән киңәшләштек, хәтта юристларга да мөрәҗәгать иттем, — дип елмая Ирина бүген. — Шулай да сөйләшкән көнне кызым белән Мәскәүгә юл тоттык. 17 катлы күпфатирлы йортта бер бүлмәле фатирны күрсәттеләр, документлар тутырдык, аларны рәсмиләштерү өчен, күпфункцияле үзәккә калдырып кайттык".
Якын көннәрдә аны Казанга чакырып, тантаналы шартларда сертификат һәм фатир ачкычларын тапшырачаклар.
Чирмешәндә туып үскән Ирина бүген кеше йортында гомер кичерә. Ул шәхси йорт турында хыяллана.
Кызыклы яңалыкларны күзәтеп бару өчен Телеграм-каналга язылыгыз