Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан Үзәк Сайлау комиссиясе үз сайлау участогыңны табу ысулын аңлатты
Татарстан һәм Россия Үзәк сайлау комиссияләренең электрон сервислары һәм «Минем сайлау участогым» телеграм-боты ярдәмендә үз сайлау участогыңны табып була.
(Казан, 16 сентябрь, «Татар-информ», Егор Никитин). Алда торган Дәүләт Думасы сайлауларында тавыш бирү өчен Россия Үзәк сайлау комиссиясенең электрон сервислары һәм «Минем сайлау участогым» телеграм-боты ярдәмендә үз сайлау участогыңны тиз һәм җайлы гына белергә мөмкин.
Бу хакта #ТатарстанОнлайн программасының туры эфирында Татарстан Республикасының Үзәк сайлау комиссиясе рәисе Андрей Кондратьев аңлатты.
Ул пандемия шартларында мәгълүмат җиткерүнең традицион кәгазь форматы җәһәт кенә онлайнга күчә башлавын әйтте. Хәзер билгеле бер территориягә беркетелгән тавыш бирү участокларын өйдән чыкмый гына да белеп була.
«Элек кәгазь белдерүләр иде, шулай ук подъездлар буйлап сайлау участогы номерын шәхсән әйтеп йөриләр иде. Хәзер без мондый форматны кулланмыйбыз — моны [пандемия шартларында] эшләргә ярамый. Үз участогыгызның урынын теләсә кайсы тематик ресурстан белергә мөмкин», — дип аңлатты Кондратьев.
Мисал итеп ул Татарстан һәм Россия Үзәк сайлау комиссияләре порталларын, «Минем сайлау участогым» махсус телеграм-ботын һәм башкаларны атады.
Саналган барлык очракларда да сайлаучыдан бары тик яшәү урынының адресын кертү генә таләп ителә — җавап итеп «акыллы» электрон система конкрет территория өчен тавыш бирү участогының номерын һәм адресын чыгара.
Кызыклы яңалыкларны күзәтеп бару өчен Телеграм-каналга язылыгыз