Әтнәдә өч чит ил гражданы җаваплылыкка тартылган

10 сентябрь көнне районда “Нелегальный мигрант” операциясе старт алды.

(Казан, 16 сентябрь, "Татар-информ", "Әтнә таңы"). 10 сентябрь көнне Әтнәдә “Нелегальный мигрант” операциясе старт алды, дип хәбәр итә район басмасы.

Ул 19 сентябрьгә кадәр дәвам итә. Максаты – чит ил һәм аларны яшәргә керткән үзебезнең гражданнарның яшәү кагыйдәләрен саклауларын, бу өлкәдәге законнарны төгәл үтәүләрен тикшерү. Кыска гына арада закон бозучылар ачыкланган да инде.

Акция кысаларында, 3 чит ил гражданы административ җаваплылыкка тартылган, диелә хәбәрдә.