Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россиядә күп фатирлы йортта тынлыкны бозган өчен штрафка тарта башларга мөмкиннәр
Дәүләт Думасының Куркынычсызлык һәм коррупциягә каршы көрәш комитеты әгъзасы Анатолий Выборный билгеләп үткәнчә, төбәкләр дәрәҗәсендә җирле үзенчәлекләргә бәйле рәвештә тынлык вакыты билгеләнәчәк.
(Казан, 16 июль, «Татар-информ»). Россиядә күп фатирлы йортта тынлыкны бозган өчен 50 мең сум күләмендә штрафка тарта башларга мөмкиннәр, дип белдерде Дәүләт Думасының Куркынычсызлык һәм коррупциягә каршы көрәш комитеты әгъзасы Анатолий Выборный «Парламентская газета»га биргән интервьюсында. Бу хакта РИА Новости агентлыгы хәбәр итә.
Көзге сессиядә парламентның түбән палатасы Торак кодексын күп фатирлы йортларда торак һәм торак булмаган бүлмә милекчеләренең, төнлә тынлык режимын саклауны да кертеп, кайбер кагыйдәләрне үтәргә бурычлы икәнлеге турында аерым маддә белән тулыландыра торган закон проектын караячак.
Депутат фикеренчә, тынлыкны бозучы күршеләрне 3-10 мең сумга штрафка тартырга кирәк, шулай ук штрафның күләмен 50 мең сумга җиткерергә дә тәкъдим ителә.
Ул билгеләп үткәнчә, төбәкләр дәрәҗәсендә җирле үзенчәлекләргә бәйле рәвештә (шуларның берсе – караңгы төшү) тынлык вакыты билгеләнәчәк.
Кызыклы яңалыкларны күзәтеп бару өчен Телеграм-каналга язылыгыз