Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан халкы, кайнар элемтәгә шалтыратып, Төркия чикләре ачылу хакында белешә
Роспотребнадзорның кайнар элемтәсенә шалтыратулар саны беренче локдаун вакытындагыдан кимеде, дип сөйләде Любовь Авдонина.
(Казан, 16 апрель, «Татар-информ», Эвелина Киселёва). Төркия һәм Танзаниягә чикләр ябылганнан соң Роспотребнадзор ачкан кайнар элемтәгә шалтыратулар вакытында бирелә торган сорауларның күпчелеге бу илләргә кабат барып булу вакыты турында.
«Татар-информ» мәгълүмат агентлыгында матбугат конференциясендә Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе җитәкчесе урынбасары Любовь Авдонина шул хакта сөйләде.
«Барыннан да ешрак чит ил чиген кайчан ачалар дип сорыйлар, бу традицион сорау. Әлегә бу хакта уйларга иртәрәк, дип әйтәбез. 1 июньгә кадәр барлык рейслар да туктатылды», — дип искәртте спикер.
Аның сүзләренчә, республикада яшәүчеләр кайнар элемтәдән еш файдаланмый, ведомствога шалтыратулар аз теркәлә. Коронавирус аркасында чикләрне беренче тапкыр япкач, белгечләр көненә 50 шалтыратуга җавап биргән.
Туристларны Төркиядән кайтара алмау, акчаларын кире кайтарырга яки ял урынын алыштырырга теләмәү турында туроператорлардан зарланулар килмәгән.
Кызыклы яңалыкларны күзәтеп бару өчен Телеграм-каналга язылыгыз