Татарстанда яшәүчеләргә өйдән чыгу өчен цифрлы пропуск алу ысулларын искә төшерәләр

Электрон пропускларның гамәлдә булуы турында өстәмә мәгълүматны 8-800-250-90-33 бердәм кайнар линия номерына шалтыратып белешергә мөмкин.

(Казан, 16 апрель, «Татар-информ»). Татарстан халкы үз-үзеңне изоляцияләү чорында өйдән чыгу өчен цифрлы пропускны СМС-сервис ярдәмендә яки интернет аша ала ала.

СМС-сервис системасында теркәлү өчен 2590 номерына паспорт номеры күрсәтелгән түләүсез хәбәр җибәрергә кирәк. Хәбәр тексты үрнәге: регистрация#9219632506.

Аннары 2590 номерына «Цель» тексты һәм максат саны белән кабат хәбәр җибәрәбез:

Суд/хәрби комиссариатка бару (айга бер тапкыр 1 сәгатькә);
Балигъ булмаганнарны белем бирү оешмасына китерү (көнгә 2 тапкырга кадәр 1 сәгатькә );
Медицина һәм ветеринария оешмасына бару (көнгә 2 тапкырга кадәр 1 сәгатькә);
Җеназа (атнага 1 тапкыр 1 сәгатькә);
Паспорт алу/торгызу (айга бер тапкыр 1 сәгатькә);
Дачага бару/дачадан кайту (атнага 2 тапкыр (4 пропуск / СМС) 2 сәгатькә);
Почтага яки банк бару (көнгә 2 тапкырга кадәр 1 сәгатькә);
Авыру туганнарына дарулар, азык-төлек һәм беренче чиратта кирәк булган әйберләр белән тәэмин итү яки аларга ярдәм күрсәтү (көнгә 2 тапкырга кадәр 1 сәгатькә);
Яшәү урынын үзгәртү / бару урыны ( өч көнгә 1 тапкыр 6 сәгатькә).
Күп функцияле үзәккә һәм Пенсия фонды бүлекләренә бару (атнага 1 тапкыр 2 сәгатькә . Бары тик сайттагы шәхси кабинет аша язылып кына мөмкин).

Шуннан соң рөхсәт коды һәм аның гамәлдә булу вакыты белән җавап хәбәр киләчәк.

Шулай ук пропускны covid19.tatarstan.ru сайтыннан интернет аша да алырга мөмкин - моның өчен паспорт сериясен һәм номерын күрсәтеп теркәлергә һәм телефон номерын СМС аша киләчәк махсус код белән расларга кирәк.

Өстәмә мәгълүматны 8-800-250-90-33 кайнар линия номеры аша алырга мөмкин.