17 марттан Казан-Баку рейслары туктатылачак

Азәрбайҗан авиакомпаниясе Уфадан Бакуга очуларны да туктатачак.

(Казан, 16 март, «Татар-информ»). 17 марттан Казан-Баку авиарейслары вакытлыча туктатылачак. Бу хакта «Интерфакс» хәбәр итә.

«Азәрбайҗан авиалинияләре» (AZAL) компаниясе Covid-19 таралышына каршы көрәш кысаларында Россиянең кайбер шәһәрләре — Казан, Уфа белән авиаэлемтәне вакытлыча туктатырга карар кылган.