Түбән Кама Идел буе шәһәрләре ассоциациясе составына кергән

Бу хактагы карар Идел буе шәһәрләре ассоциациясе әгъзаларының җыелышында кабул ителгән.

(Казан, 15 ноябрь, «Татар-информ», Лилия Чанышева). Түбән Кама Идел буе шәһәрләре ассоциациясе составына кергән. Бу хактагы карар Идел буе шәһәрләре ассоциациясе әгъзаларының җыелышында кабул ителгән.

“Идел буе федераль округында (ИФО) Идел буе шәһәрләре ассоциациясе - иң абруйлы мәйданчыкларның берсе, ул 19 ел дәвамында шәһәрләр эшчәнлеген координацияли. Соңгы өч елда Ассоциациянең географиясе шактый киңәйгән, аның составына 15 тән 25 кә кадәр шәһәр кергән”, - дип белдерде РФ Президентының Идел буе федераль округындагы тулы вәкаләтле вәкиле урынбасары Алексей Сухов.

Шулай итеп, хәзер Идел буе шәһәрләре ассоциациясенә 25 шәһәр керә, аның 14е – ИФО дан читтә урнашкан Россия субъектлары административ үзәкләре, Көньяк федераль округтан - Волгоград һәм Әстерхан шәһәрләре, шулай ук ИФО 7 төбәгенең икенче дәрәҗәдәге 9 шәһәре - Балаково, Димитровград, Яңа Куйбышев, Яңа Чабаксар, Сарапул, Сызрань, Тольятти, Стәрлетамак һәм Арзамас шәһәрләре.